De Vicente Anoetako pista estalian ibiltzen zen bitartean, umeen kategoriako Harriet Aketxek Bizkaiko Selekzioarekin batera parte hartu zuen Euskadiko Kros Txapelketan, Amurrion. “Harrietek denboraldiko sei eskola-krosak egin ditu, rankingaren gorenean egon ahal izateko. Hilabeteetan egin du lan eta esfortzu handia, beti lehen postuetan egoteko, baina merezi izan du. Gainera, oso lasterketa ona egin du Amurrion: hirugarrena izan zen 2.900 metroko lasterketan eta puntuak lortu zituen selekziorako”, esan dute klubeko arduradunek.
Bestalde, David Lopez hirugarrena izan zen Arrigorriagako Herri Krosean, absolutu kategorian, eta Xabier Lago eta Mikel Aurrekoetxea, lehena eta hirugarrena umeen kategorian eta kimu kategorian hurrenez hurren. “Eta aurrera jarraitzen dugu. Izan ere, domekan, martxoak 9, 50 atleta baino gehiago izango ditugu Bilboko 10K lasterketan, eta lau master taldek parte hartuko dute Espainiako Txapelketan. Gainera, azken hilabeteetan Zamudioko Parke Teknologikoko 14 langile entrenatzen ibili gara, txapelketa horretan parte hartu ahal izateko”.