Txapeldunen taldea hauek osatu zuten: Aratz Mendietak, Mikel Aurrekoetxeak, Oinatz Aketxek eta Martin Manzanosek. Bestalde, alebinak ere txapeldunordeak izan ziren kluben kategorian, eta taldea hauek osatu zuten: Mendietak, Aketxek, Aurrekoetxeak, Koldo Fernandezek eta Luken Garruchok. Umeen kategorian, Harriet Aketxe, Aimar Zubiaur, Gorka Gordon eta Xabier Lago zazpigarrenak izan ziren erreleboetan. “Emaitza ona, 18 taldek parte hartu zuten eta”.
Beste alde batetik, 16, 18 eta 20 urtez azpiko txapelketak izan ziren arratsaldean. Azken orduan bajak egonda ere, Beste Birakoak hamargarrenak izan ziren taldeen kategorian, eta 4x100 errelebo lasterketan bosgarrenak izan ziren. Taldea osatu zuten Jonan de Vicentek, Zion Uriak, Elian Quinterosek eta Iuri Ortiz de Andak. Gainerako taldekideak izan ziren Izei Incera, Ander puentes eta Ioritz Alvarez. “Orain, denboraldiko beste erronka inportante bat dugu aurrean: zapatuan Euskadiko bigarren mailako txapelketa izango da Gasteizen, eta etxera emaitza ona ekartzen ahaleginduko gara”.