Bien bitartean, lau gazte lehiatu ziren 18 uztez azpiko eta 20 urtez azpiko Bizkaiko Txapelketan. Jonan de Vicente klubeko lehena izan zen medaila eskuratzen, 20 urtez azpiko txapelketan, zilarra lortu baitzen 100 metroko lasterketan. Gainera, arratsaldean ere igo zen podiumera, 200 metroko lasterketan 22´78ko marka lortu baitzen. Uztailean Espainiako Txapelketa izango da Badajozen, eta bertan parte hartu ahal izateko bigarren aukerako gutxieneko marka da de Vicentek egindakoa.
Martin Corderok, bestalde, 800 metroko lasterketa ederra egin zuen eta urrea eskuratu zuen. Gainera, helmugara ailegatzeko 200 metro falta zirela bere marka bi segundo jaitsi zuen: 2:01. Azken medaila, brontzekoa, Elian Agustín Quinterosek eraman zuen 200 metroko lasterketan, 24,71eko marka egin zuela. Era berean, finalista izan zen 100 metroko lasterketan eta seigarrena ailegatu zen. Beste alde batetik, Haizea Perezek bere denbora jaitsi zuen 100 eta 200 metroko lasterketetan. Azkenik, 1.500 metroko lasterketan, Eduardo Manzanosek gutxieneko denbora egin zuen Espainiako Master Txapelketan parte hartu ahal izateko, ekainaren 21ean La Nucia herrian (Valentzia) izango dena. “Ahaztu ezin den zapatua izan da, eta harrobiko entrenatzaileen eta atleten lana islatu du”, esan dute klubeko ordezkariek.