Bertsolariak Lauroetako Mikel Deunaren jaietan nabarmenena

Aikor aldizkaria 2025eko irailaren 26a

Bihar hasiko dira, Loiuko Lauroeta auzoan, Mikel Deunaren jaiak. Asteburu osoan zehar zein San Migel egunean, astelehenean, antolatu dituzte ekintzak.

Jaiei hasiera bihar emango zaie, eta nabarmenena tortilla txapelketa 18:00etan eta Xaibor 20:30etan izango dira. Igandean nabarmentzen dira, 13:00etan eskupilota partidak, honen ondoren, 15:00etan, herri bazkaria, eta 20:00etan erromeria. Bukatzeko, astelehenean, San Migel egunean, 19:00etan triki-poteoa eta pintxo-poteoa egongo dira, besteak beste, eta 20:00etan, urtero lez, bertsolariak. Aurtengo bertsolariak Etxahun Lekue, Beñat Gaztelumendi, Oihana Iguaran eta Miren Artetxe izango dira. 20:30etan emango zaie amaiera jaiei “txokolatada eder batekin”.