Sondikako Udalak jakinarazi duenez, Eusko Jaurlaritzak Gorondagane eskolako patioa estaltzea sartu du 2020rako Jarduketa Planean. Hori aspalditik eskatu den neurria da, eta Xabier Zubiaur alkatea pozik azaldu da Lakuak hartutako konpromisoarekin.
“Ikasleak aire zabalean jolastu ahalko dira eguraldiaren menpe egon barik”, esan du. “Eskerrak eman nahi dizkiogu Eusko Jaurlaritzari gure arazoa ulertzeagatik eta gure eskola hobetzeko hartu duen konpromisoagatik”.
Arkitekto bat udal eta eskolako ordezkariekin batuko da, zer nolako estalkia ipiniko den erabakitzeko. Bestetik, orain dela hile batzuk, Eusko Jaurlaritzak adierazi zuen eskolako haur hezkuntzako eraikineko teilatua konponduko zuela. Lan horiei aurtengo udan ekingo diete, eta patioa 2020an estaliko dute.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
