XXIII. Euskal Azoka, Sondikan

Euria eta eguraldi txarra egonda ere, atzo hainbat herritar eta bisitari hurbildu ziren Sondikako Euskal Azokara. Bertan, baserriko produkturik onenak erosteko aukera izan ziren, hala nola barazkiak, marmeladak eta txakolina; baita artisauek egindako eskulanak ere.

Gainera, goiz osoan zehar beste ekintza batzuk izan ziren, esate baterako, txalaparta erakustaldia eta umeentzako tailerrak. Bertso-saioa egon zen Malen Amenabarren eta Jone Uriaren eskutik, eta erraldoiak eta buru-handiak dantzapoteoan irten ziren Gorantzaileak taldeko dantzariekin batera. Amaitzeko, Bentazaharreko mutiko alaiak taldeak dantzan ipini zituen bertaratutakoak.