"Sondikako Emakumeen Kontseilua" egitasmoa aurkeztuko da bihar
Bihar, martxoak 8, Emakumeen Nazioarteko Eguna izango da eta, egun horren harira antolatutako ekintzen artean, Sondikako Udalak "Sondikako Emakumeen Kontseilua" egitasmoa aurkeztuko du Kultur Etxean. Saioa 19:00etan hasiko da, eta Laurane Gonzalo Batistaren emanaldiaren ostean aurkeztuko dira Sondikako emakumeak ahalduntzeko prozesuaren emaitzak eta Emakumeen Kontseilua. Aurkezpena biribiltzeko, kopaua eskainiko da eta kaleko animazioa egongo da.