Guztira hiru kategoria egongo dira. Lehenengo kategoria da Lehen Hezkuntzako 3. mailatik 6. Mailara bitarteko umeentzat. Parte-hartzaileek 250 hitzetik 300 hitzera bitarteko kontakizuna idatzi beharko dute, euskaraz, eta bi sari emango dira: diploma eta 40 euroko txartela, irabazlearentzat, eta diploma eta 20 euroko txartela, bigarrenarentzat. Bigarren kategoria, bestalde, 13 urtetik 16 urtera bitarteko gazteentzat da, eta horiek 350-400 hitzeko testua idatzi beharko dute, euskaraz edo gaztelaniaz. Kasu honetan ere bi sari izango dira: diploma eta 60 euroko txartela, irabazlearentzat, eta diploma eta 40 euroko txartela, bigarrenarentzat. Azkenik, hirugarren kategoria 16 urtetik gorakoentzat da. Kontakizunak euskaraz edo gaztelaniaz izan ahalko dira, eta 500-550 hitz idatzi beharko dira. Gainerako kategorietan bezala, bi sari banatuko dira: diploma eta 75 euroko txartela irabazlearentzat, eta diploma eta 60 euroko txartela, bigarrenarentzat.
Esan moduan, lanak urriaren 31ra arte aurkeztu ahalko dira udaletxean bertan edo berdintasuna@txorierri.eus helbide elektronikora bidalita. Txapelketaren oinarriak hemen kontsultatu daitezke.