Beste alde batetik, aipatu beharra dago ekitaldi zabala antolatu dela goizerako. Horrela, 11:00etatik 12:00etara, Ipar Elaiak txistu-elkarteak eta Gorantzaileak dantza-taldeak herritik ibiliko dira giroa sortzen, eta 12:00etatik 14:00etara tailerrak egingo dira: taloa, feltro-loreak eta zeinu-hizkuntza. Era berean, Aker Okerrak taldea kalejiran ibiliko dira azokagunetik bertatik, eta 12:30etik 15:00etara kantu-poteoa egingo da herriko tabernetatik. Goiza biribiltzeko, EinGo taldea kantan eta dantzan izango da herritik 13:00etatik 15:00etara.
Euskal Azoka egingo dute domekan Sondikan
Domekan, azaroak 17, Euskal Azoka izango da 26. aldiz Sondikan, hango udalak antolatuta. Azoka goizeko 10:00etatik 15:00etara egingo da, eta nekazaritako produktuez gainera, artisauen lanak ere izango dira ikusgai eta erosgai, hala nola, arropa, artilez egindako lanak, beira-lanak eta paperezko apaingarriak. Elkarteek ere euren lekua izango dute azokan: Andre Mariaren Misiolari Frantziskotarrak, Minbiziaren Aurka Bizkaian, Ibilaldia eta Gregorio Ybarra elkartea.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).