Esnea batuko da Hegalariak taldearen partidetan

Hegalariak Sondikako areto-futbol taldeak elikagaien bilketa solidarioa eta selektiboa egingo du etxean jokatzen dituen partidetan. Zehatz-mehatz, esnea batuko du azaroan, eta biltzen duena Sondikako Udalari emango dio, horrek kudeatu, biltegiratu eta banatu dezan. Bihar, azaroak 16, esaterako, benjaminaurreko kategoriako partida jokatuko dute 9:45ean, Gorondabeko kiroldegian, Zamudioren kontra; eta 17:15ean, gazte mailako partida, Gijon P-ren kontra. Euren gizarte-sareen bidez jakinarazi dituzte gainerako partiden egunak eta orduak.