Idar gisatuak eta Panakota

Idar gisatuak Osagarriak (lau lagunentzat): - Kilo bat idar (freskoak zein izoztuak) - Azenario bat - Patata handi bat (dado txikietan ebagita) - 200 g. pernil (takoetan ebagita) - Kipula eder bat - Berakatz-atal bi - Orioa, gatza eta ur apur bat - Ardao zuri apur bat Prestateko erea: Kinpulea, azanarioa eta berakatzak zuritu eta txikituko doguz. Orio-zurrustada bategaz erregosten ipiniko doguz, su eztitan. Hamar minutu pasaten diranean, pernila botako dogu eta bost minutu gehiago itxiko dogu. Ondoren, idarrak eta patatak gehituko doguz. Gatz apur bat eta ardao zuria botako doguz, eta eltzeari estalgia jarriko deutsagu. Beharrezkoa bada, ur gehiago botako dogu. Surtan eukiko dogu 20 minutu inguru. Panakota Osagaiak (6-8 lagunentzat): - Litro erdi esne - Litro erdi esnegain - 75 g. azukre - Koilarakada bat bainila-azukre - Gelatina neutro sobre bi - Txokolate egina Prestateko erea: Esne apur bat gordeko dogu, bertan gelatinea urtzeko. Bestea esnegaineagaz batera ipiniko dogu berotzen. Azukerea eta bainila-azukerea gehituko doguz. Irakiten hasten danean, gelatina botako dogu (ondo urtuta). Surtatik kendu, eta ondo eragingo dogu. Moldera bota eta epeltzen danean, hozkailura sartuko dogu, hotzitu arte. Gustukoa bada, txokolate apur bategaz serbidu.