Osagaiak (lau lagunentzat):
- 100 g makailao ketua
- Eskarola erdi bat
- Limoi-ura
- Laranja bat
- Arrautza egosi bat
- Oliba berdeak eta baltzak
- Oliba-orioa
- Gatza
Prestetako erea:
Eskarolea garbitu eta txikitu ostean, katilu baten ipiniko dogu. Makailaoa be zatituko dogu eta eskaroleari gehituko deutsagu. Laranja zuritu eta atalak atarako doguz. Arrautza zatituko dogu.
Entsaladea holan prestauko dogu: erretilu handi baten erdian eskarolea eta makailaoa ipiniko doguz. Inguruan laranja-atalak jarriko doguz. Arrautza-zatiak eta olibak eskarolearen eta makailaoaren gainean ipiniko doguz. Beste alde batetik, katilu baten limoi-ura, orioa eta gatza nahastauko doguz. Ondo irabiatu eta gainetik botako deutsagu entsaladeari.
Sukaldaritza