Errezeta: Maite Lekerika, sukaldaria
Osagaiak (4 lagunentzat):
800 g itsas-oilarra (zerrendatan)
50 g kipula (juliana eran ebagia)
20 g gurin
200 ml txakolin zuria
100 ml esnegain
100 ml oliba orioa
Gatza
Prestetako erea:
Labarako azpil baten arraina ipiniko dogu. Gatza bota eta orioz igurtziko dogu. Labara sartuko dogu, 185 gradutan eta 15 minutuan. Zartagin baten kipula erregosiko dogu orio eta gurinagaz. Txakolina gehitu eta urritzen itxiko dogu. Esnegaina botako dogu eta surtan itxiko dogu, harik eta saltsea loditzen dan arte. Gatza botako dogu.
Arraina labatik atera eta saltsea gainetik botako deutsagu. Gustukoa bada, perejil apur bategaz apaindu daiteke.