Joan den domekan Txorierriko Mankomunitateko Frontenis Txapelketaren finala izan zen Goronda Beko Sondikako kiroldegian. Txapelketa hirugarren aldiz egin dute aurten.
Hegalariak areto-futbol taldeko kideek epaile-lanak egin dituzte txapelketan eta azaldu duten moduan, finalean parte hartu duten bikote guztiek maila ezin hobea dutela erakutsi egin dute. Hala ere, txapeldun bakarra egon daiteke eta hori Asier Bilbaok eta Diego Rodriguezek osatutako bikotea izan zen. Lezamatarrek 30-24 irabazi zieten Manu Perez eta Aritza Madariaga sondikoztarrei.
Beste alde batetik, Txelisek eta Ibonek hirugarren postua eskuratu zuten; eta Alberto eta Iñigo Rodriguezek, laugarrena. Azken bikote biak Lezamakoak dira.
Txorierriko Frontenis Txapelketa aurretik, udal lehiaketak jokatu ziren Lezaman, Zamudion, Derion eta Sondikan. Lehiaketa horietan lehenengo lau postuetan sailkatu ziren bikoteek parte hartu dute Txorierri mailako txapelketan. Finalaurrekoetara Lezamako hiru bikote eta Sondikako bikote bat ailegatu ziren.