Euskal Herrian bezala, Bildu indarrez sartu da Txorierriko udaletxeetan. Horrela, boto gehien jaso duen alderdia izan da Larrabetzun, eta bigarren alderdia da gainontzeko herri guztietan. Larrabetzun sei zinegotzi eskuratu ditu; Loiun, hiru; Sondikan, hiru; Derion, hiru; Zamudion, lau; eta Lezaman, bost. Bestalde, EAJk gainontzeko alkatetzak lortu ditu, hala ere, Derion izan ezik (zazpi zinegotzi), zinegotziak galdu ditu herri guztietan: Larrabetzun, bat (hiru zinegotzi, 2011n; eta lau, 2007an); Loiun, hiru (zazpi, 2011n; eta 10, 2007an); Sondikan, bi (sei, 2011n; zortzi, 2007an); Zamudion, bi (zazpi, 2011n; bederatzi, 2007an); eta Lezaman, bi (sei, 2011n; zortzi, 2007an).
PSOEk zinegotzi bat galdu du Derion (bi, 2011n; hiru 2007an); beste bat, Lezaman (zero, 2011n; bat, 2007an); eta beste bat, Zamudion (zero, 2011n; bat 2007an). Sondikan zuen zinegotzia mantendu du. PPk Derion, Loiun eta Sondikan zuen zinegotzi bana mantendu du, eta EBk Larrabetzun, Lezaman eta Zamudion zuen zinegotzi bana galdu du. Abstentzioa % 32,26koa izan da Derion; % 17,84koa, Larrabetzun; % 26,87koa, Lezaman; % 28, 65ekoa, Loiun; % 28,11koa, Sondikan; eta % 28,82koa, Zamudion.
Batzar Nagusiei dagokienez, EAJk 22 batzarkide lortu ditu Bizkaian; Bilduk, 12; PSEk; bederatzi; eta PPk, zortzi.