Motorzaleen bazkaria eta gazte jaia, Loiun

Mugimendu handiko eguna izango da apirilaren 5a, Loiun. Txori Bikers taldeak bazkaria antolatu du egun horretarako eta Bizkai osotik etorritako motorzaleek hartuko dute parte bertan. Ibilbide librea egingo dute herriko tabernetatik, eta Loiuko sagardotegian izango dute bazkaria. Kontzertuak arrastiko 6:30ean ha-siko dira: Viodance eta Kartzarot. Motorzaleak alde egiten hasten direnean —nahi dutenak, noski—, gazteen txanda izango da. Izan ere, egun horretan ere Loiuko Gazte Jaia egingo da biga-rren aldiz. Gaueko 9etatik aurrera, talde hauek arituko dira eszenatokian: En-kore, EH Sukarra, Akerbeltz eta Dj Ibai. Gainera, autobus bat ipiniko da doan Loiuraino hurbiltzeko eta handik etxera itzultzeko. Autobusa arrastiko 7etan eta iluntzeko 9etan eta 11etan irtengo da Larrabetzutik eta geldialdi hauek egingo ditu: Larrabetzu, Elexalde (Lezama), Arteaga (Zamudio), Txorierriko etorbidea, 5 (Derio), Larrondo (Loiu), eta Txorierriko Etorbidea 3 (Sondika). Loiutik goizaldeko 1etan, 3retan eta 5etan irtengo da.