Doako poltsa konpostagarriak lortu!

Edukiontzi marroira botatzen diren hondakinak ezin dira plastikozko edozein poltsatan sartu: konpostatzeko poltsak erabili behar dira. Mankomunitateak edukiontzi horretan utzi ahal diren produktuak (ogia, barazkiak eta frutak, kortxoak, kafe-hondakinak, infusio-poltsak...) saltzen dituzten saltegiak bisitatu ditu eta be­zeroei poltsa konpostagarriak emateko kanpainan parte hartzeko gonbidapena egin die. Kanpainarekin 28 saltokik egin dute bat eta erosketak poltsa konpostagarrietan sartuko dizkiete hala eskatzen duten herritarrei. Bezeroek herritarren txartela aurkeztu beharko dute, Zamu­diokoak ba­dira; eta edukiontzi marroia era­biltzeko txartela, gainontzeko udalerrietan bizi ba­dira. Kanpainan parte hartzen duten saltegiek edukiontzi marroiaren pegatina bat izango dute ikusgai. Poltsak doan ba­natuko dira. Poltsa konpostagarriei esker erraztuko da edukiontzi marroiaren erabiltzaileen lana, eta erabiltzaileei ez direnei aukera emango zaie hori erabiltzen hasteko. Era berean, plastikozko poltsak gutxiago erabiltzea ahalbidetuko da. Atxikitako saltegiak DERIO Alberdi okindegia Balbi fruta-denda La moderna okindegia Liliak loradenda Imaz fruta-denda Dia supermerkatua Araceli okindegia Bizkarra okindegia Amalur delicatessen LEZAMA Dañobeitia janari-denda Josune janari-denda Ogiketa Ekhi hotz fruta-denda SONDIKA Esther fruta-denda Yedra loradenda Bizkarra okindegia Zotes okindegia Iratxo okindegi-dastalekua ZAMUDIO Alaia fruta-denda Soba janari-denda Alberdi okindegia Aramendi okindegi-dastalekua Carrefour supermerkatua Fruta-denda LARRABETZU Aliprox supermerkatua Txispamendi okindegia Koloretakoak fruta-denda LOIU Elizondo janari-denda