Eta urteurrena ospatzeko, “Futbola eta balioen transmisioa” mahai ingurua egingo dute martxoaren 17an. Ekitaldia Kultur Birikan izango da 18:30ean, eta bertan Athleticeko futbolariek hartuko dute parte. Horrezaz gainera, kiroldegiaren irudi berria aurkeztuko da jendaurrean. Bestalde, martxoaren 20an Liga Solidarioaren lehen partida jokatuko da futbol zelaian, 10:30ean. Liga Futbolari Beteranoen Elkarteen Espainiako Federazioak antolatu du eta, besteak beste, hauexek arituko dira: Athletic, Erreala, Eibar, Logroñés eta Mirandés.