Beste bira taldeak 12. postuan bukatu zuen Euskadiko Txapelketa

Beste Bira atletismo taldeak Euskadiko Kros Luzeko Txapelketan hartu zuen parte Ordizian. Txorierriko taldea 12. postuan gelditu zen lasterketan. 

Lau korrikalarik osatu zuten taldea: onena Martin McGragh izan zen, 35. postuan amaitu baitzuen txapelketa; Ander Zoritak, 57. postuan; Gonzalo de las Herasek, 125. postuan; eta Egoitz Piñeirok, 139. postuan. Taldekoak pozik agertu dira, atletak gero eta emaitza hobeak lortzen dabiltza eta.