Izaro Ungok 15 urte ditu eta 60 kiloko junior kategorian sartu zen lehian. Zamudioztarrak finalerdietan galdu zuen Fatima Zahrae murtziarraren aurka. Epaileek Zahraeri eman zioten garaipena, baina erabakia ez zen aho-batekoa izan. Horrek adierazten du euskaldunak eta murtziarrak lehia bizia eta orekatua izan zutela. Zahraek txapelketa irabazi zuen hurrengo egunean.
Bestalde, Javier Manrique derioztarrak ezin izan zuen 56 kiloko gazte mailan Txorierrira dominarik ekarri. Hamazazpi urteko gazteak ere izan zuen lehia orekatua, baina epaileek adostu zutenez, Fernando Dauiro Magdalena kanariarra bere arerioa izan zen borrokaren garailea.