Maiatzak 17: desberdinak, baina berdinak

LGTBIfobiaren aurkako Nazioarteko Eguna da gaur. Gutako askok, hainbat kontzeptu nahasten ditugunez, azalpen hauekin argi apur bat eman nahiko genuke, garbi izan dezagun zer den aniztasuna. Baina ez ahaztu, aniztasuna dagoen arren, denok berdinak garela.

Genero-identitatea

Pertsonak bere baitan eta indibidualki sentitzen duen genero-esperientzia. Esperientzia hori bat etor daiteke jaiotzean esleitutako generoarekin edo ez, eta gorputzaren pertzepzio pertsonala biltzen du (jo dezake, askatasunez aukeratuz gero, itxura aldatzera, medikuntzaren, kirurgiaren edo beste bitarteko batzuen bidez), bai eta beste genero-adierazpen batzuk ere, janzkera, hizkera eta keinuak barne.

Genero-adierazpena

Portaeraren, janzkeraren, orrazkeraren, ahotsaren, ezaugarri fisikoen eta abarren bidezko kanpo-aurkezpena edo itxura. Genero-adierazpenak nabarmen baldintzatzen dituzte pertsonen jokaerak.

Sexu-orientazioa

Pertsonek beste genero bateko, genero bereko edo genero bat baino gehiagoko pertsonengana hurbiltzeko duten gaitasun emozional, afektibo eta sexuala, bai eta ezartzen dituzten harreman intimo eta sexualak ere. Homosexuala, asexuala, pansexuala, bisexuala, heterosexuala.

Sexu biologikoa

Gizakia gizon edo emakume bezala definitzen duten ezaugarri biologikoak dira. Ezaugarri biologikoen multzoak ez dira elkarren baztertzaileak; izan ere, badira biak dituzten pertsonak, baina normalean ezaugarri horiek gizakiak bi taldetan banatzen dituzte: gizonak eta emakumeak (OME).

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).