Indarkeria matxista kontrako elkarretaratzeak eta ekintzak Txorierrin

“Beldur eta kontrol aurrean, justizia feminista” lelopean, Euskal Herriko mugimendu feministak kalera ateratzeko deia egin zuen barikuan, azaroak 25, indarkeria matxista salatzeko eta gizonei eskatzeko erantzukizuna haien gain har dezatela. Txorierriko herrietan ere elkarretaratzeak izan ziren erakundeek deituta. Gainera, bailarako talde feministek antolatuta, hainbat ekintza egin ziren arratsaldean: manifestazioak, elkarretaratzeak, performanceak eta batukada, batzuk aipatzearren.

Ekitaldiak antolatu zituzten Garrasiak Sondikan, Koxak Derion, Zapata Gorriakek eta Lagunandrek Zamudion, Moreakek Lezaman eta Zutunik!ek Larrabetzun. Bestalde, Burrundadie Lezamako batukada-taldeak herriko ekintzan hartu zuen parte, eta Ausartak emakumeen antzerki-taldea performancea egin. Era berean, Zamudio Boxeo Taldeak boxeo-emanaldia antolatu zuen genero-berdintasunaren alde eta emakumeen kontrako indarkeriaren aurka, eta domekan hitzaldi bana egin zuten Sondikan eta Derion, eta ikuskizuna, Larrabetzun.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).