Ekialdeko Hiru Errege Magoak gaur arratsaldean ailegatuko dira Txorierrira. Aurreikuspenaren arabera, 18:00etan lur hartuko dute Sondikako aireportuko terminal zaharrean, eta handik kalejiran irtengo dira Goronda Beko kiroldegiraino. Bertan, umeen gutunak jaso dituzte eta adi-adi egongo dira umeen hitzei, gauean nahiak egia bihurtzeko. Gainera, ekitaldia Sondikako Udalaren Instagramen bidez emango da, hara bertaratu ezin direnak ere ekintzaren magiaz gozatu daitezen.
Bestalde, Magoen laguntzaileek gogora ekarri dute opariak gaur bertan, 09:00etatik 14:00ak arte eta 16:00etatik 17:30era arte, utzi ahal direla kiroldegian.
Magoak direnez, Deriora ere 18:00etan ailegatuko dira. Kultur Birikatik kalejiran aterako dira Udaletxeko plazaraino, animalia eta izaki fantastikoek lagunduta. Umeei 19:00etan egingo diete harrera Herriko Plazan ipinitako karpan. Oraindik harreran parte hartzeko txartelak eskuratu ahal dira hemen.