`Bas(h)oan´ kontzerturako sarrerak zozketatuko ditugu

Loraldia festibalaren baitan, Beñat Axiari, Joseba Irazoki eta Julen Axiari musikariek Bas(h)oan lana aurkeztuko dute martxoaren 15ean, 19:30ean, Bilboko Itsasmuseumen. Lanak 12 abestik osatzen dute: haietako bost Ipar Amerikako Robbie Basho musikariaren konposizioen bertsioak dira, eta beste bat da Maitiak bilhua holli kantu zuberotar herrikoia; gainerakoak dira taldearen abestiak. Aikor! aldizkariak kontzertua ikusteko sarrera bikoitza zozketatuko du irakurleen artean. Zozketan parte hartzeko, whatsappa bidali behar da 747 406 561 telefono-zenbakira, eta hauek adierazi: Bas(h)oan eta parte-hartzailearen izen-abizenak eta helbide elektronikoa. Mezuak jasotzeko azken eguna martxoaren 9a izango da.