Iratxe Fresnedak zuzendu du Tetuán dokumentala, eta bertan pertsona migratzaileak izan ditu ardatz. Lana martxoaren 24an, 20:00etan, emango da EHUko Bizkaia Aretoan. Bestalde, gazte sortzaileek egindako lau ikuskizun plazaratuko dira martxoaren 25ean, 19:00etatik aurrera La Terminal aretoan. Lanak talde hauek sortu dituzte: eRRe, Formol, Habia eta Silitia. Azkenik, etorkizunari begira eta literatura, musika eta bertsolaritza uztartzen direla, Popperra, afterra, utopia hausnarketa poetikoan ibiliko dira Amaia Agirre, Danele Sarriugarte, Maddi Ane Txoperena, Maider Arregi eta Miren Narbaiza. Ikuskizuna martxoaren 26an, 12:30ean, izango da Guggenheim museoan.
Loraldia festibalerako hiru sarrera bikoitza zozketatuko ditugu
Loraldia festibalaren harira, besteak beste, hiru ekitaldi hauek antolatu dira datorren astebururako: Tetuan dokumentala, sormen berriaren harrobia aurkeztea eta Poperra, afterra, utopia ikuskizuna. Aikor! aldizkaria ikuskizunetara joateko hiru sarrera bikoitza zozketatuko ditu irakurleen artean. Zozketan parte hartzeko, whatsappa bidali behar da 747 406 561 telefono-zenbakira, eta hauek adierazi: zein ikuskizunetara joan nahi den eta parte-hartzailearen izen-abizenak eta helbide elektronikoa. Mezuak jasotzeko azken eguna martxoaren 22a izango da.