Loraldia festibalaren baitan, Beñat Axiari, Joseba Irazoki eta Julen Axiari musikariek Bas(h)oan lana aurkeztuko dute martxoaren 15ean, Bilboko Itsasmuseumen. Lanak 12 abestik osatzen dute: haietako bost Ipar Amerikako Robbie Basho musikariaren konposizioen bertsioak dira, eta beste bat da Maitiak bilhua holli kantu zuberotar herrikoia; gainerakoak dira taldearen abestiak. Aikor! aldizkariak kontzertua ikusteko sarrera bikoitza zozketatuko du irakurleen artean, eta Asier Bidaurrazaga izan da irabazlea.