Zapatuan, apirilak 29, Bizkaiko Konbinatuen Txapelketa izan zen Artunduaga kiroldegian, Basaurin. Harriet Aketxe Olasagarre derioztarrak bertan hartu zuen parte kimu kategorian, eta bigarren postua eskuratu zuen. Harriet bigarrena izan zen 60 metroko lasterketan, bederatzi segundoko baino gutxiagoko marka egin zuela. Era berean, 3,48 metroko saltoa egin zuen harea-hilobian, eta pisua zazpi metrora baino gehiagora jaurti zuen. Hiru proba horietan egindako puntuazioari eta bere erregulartasunari esker lortu zuen zilarra. Aketxe Beste Birako atleta da.
Bestalde, Elian Quinteros umeen kategorian ibili zen. Quinteros hamargarren postuan zegoen probak hasi baino lehen, baina Basaurin egindako lana dela-eta zazpigarren postuan sailkatu zen. Beste Birako atleta gazteak sei proba egin zituen eta lehena izan zen bi saio hauetan: 80 metroko lasterketan (10:35) eta luzera-jauzian (4,77m).
Txapelketan denboraldian egindako probetan puntuaziorik handiena lortu zuten atletek hartu zuten parte, eta haien artean Beste Birako lau partaide izan ziren. “Guztiek lortu zituzten euren helburuak, baita horiek gainditu ere”, esan dute klubeko ordezkariek.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).