Kanporaketak urriaren 1etik azaroaren 1era bitartean egingo dira Mungian, Gernika-Lumon, Arrigorriagan, Erandion, Igorren eta Lekeition. Finalaurrekoak Berrizen, Santurtzin eta Lemoan izango dira azaroaren 11n, 18an eta 25ean, hurrenez hurren; eta finala Bilbon, abenduaren 16an.
Kanporaketetan 36 bertsolarik kantatuko dute: Udabarria Bertsotanetik sailkatutako 30 bertsolarik eta 2021eko finalaurrekoetan kantatu zuten beste seik. Finalaurrekoetako fasera 11 bertsolari sailkatuko dira eta 2021ean finalista izan zirenak. Hiru finalaurrekoetako irabazleek eta puntuazio altuena lortzen duten beste bostak sailkatuko dira finalera.
Saioetako sarrerak www.bertsosarrerak.eus webgunean erosi daitezke. Sarrarik geratuko balitz, egunean bertan erosteko aukera egongo litzateke txarteldegian. Txarteldegia 16:00etan zabalduko da saioetan, finalean izan ezik: finalaren egunean 15:00etan zabalduko da.