Izan ere, adierazi duten moduan, “mugitzeko gailu horiek arazo larriak eragin dituzte azken urteetan. Arazoak gailuen bateriek sortu dituzte hain zuzen, eta suaren edo deflagrazioen eraginez, kalte fisiko eta material larriak izan dira”. Patineteak eta monozikloak ezin izango dira metrora eta trenera sartu, ez tolestuta, ez poltsa baten barruan. Gainera, debekuak eremu guztietan izango du eragina, hala nola nasetan eta atondoetan. Bestalde, adierazi dute apurka-apurka patineteak-eta aparkatzeko moduluak ipiniko direla sarearen gune batzuetan, eta bizikletak parkatzeko moduluak dituzten geltokietan.
Euskotrenek eta Metro Bilbaok abenduan jakinarazi zuten astelehenetik aurrera, urtarrilak 15, ezin izango direla euren zerbitzuetan patinete eta monoziklo elektrikoak erabili; neurriak, hala ere, ez du mugikortasun urriko pertsonen ibilgailuetan eta bizikleta elektrikoetan eraginik izango. Azaldu zutenez, neurria “segurtasun-arrazoiengatik” ezarriko dute.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).