Txorierri makil-hotsez beteko da Agate Deunaren bezperan

Domekan, otsailak 4, Agate Deunaren bezpera da eta, ohikoa denez, Zamudio, Lezama eta Larrabetzuko kintoak makila eskuan irtengo dira kalera, koplak abestera eta lurra esnatzera. Sondikan, bestalde, hitzordua ipini da 13:00etan, Goiri plazan; eta Derioko Ipar Alde abesbatza zapatuan, otsailak 3, aterako da herriko txokoak kantuz eta makil-hotsez betetzera.