Txorierri Basketlandeko kadete mailako neskek Begonazpi 2008ko jokalarien kontra jokatu zuten zapatuan, ekainak 1, Derion, eta 44 eta 22 irabazi zieten. Hortaz, Bizkaiko Koparen txapeldunak dira C mailan. Taldea poz-pozik dago, eta Roberto Flores taldearen entrenatzailea eta klubeko koordinatzailea ere poz-pozik azaldu da. “Neskek oso lan handia egin dute denboraldian zehar eta merezitako garaipena da”.
Kontatu digunez, jokalariek iaz ere lortu zuten garaipena haur-kategorian. Kadete-mailan egindako lehen urtea izan da jokalari guztientzat eta oso hurbil egon dira lehen mailara igotzetik. “Beste urte bat emango dute kadete mailan eta helburua da lanean jarraitzea eta lehen mailara igotzen ahalegintzea. Taldean lan egiten jarraituko dugu eta, jakina, saskibaloiz gozatzen”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).