Txakurra duten familien portzentajerik handiena Loiun dago: % 79,8. Horren ostean daude Lezama (% 60,6), Larrabetzu (% 48,8), Zamudio (% 33,4), Sondika (% 28) eta Derio (% 22,3). Ikerlanean jaso duten moduan, Loiun 2.193 biztanle daude, eta 1.055 txakur; hortaz, bost txakur daude 10 biztanleko. Lezamak 2.397 biztanle ditu, eta 878 txakur; biztanleko lau txakur daude. Larrabetzuk, bestalde, hiru txakur ditu 10 biztanleko, izan ere, bertan 2.092 biztanle daude, eta 645 txakur. Zamudion 3.335 herritar daude, eta 685 txakur; bi txakur, 10 biztanleko. Sondikak ere bi txakur ditu 10 biztanleko: 4.492 biztanle eta 816 txakur. Azkenik, Derio da 10 biztanleko txakur gutxien duen udalerria: txakur bat. Hala izanik, bertan 7.311 biztanle daude, eta 964 txakur.
Txorierriko familien % 45ek txakurra dute etxean
Saretzen egitasmoaren baitan, TOKIKOM tokiko hedabideen federazioak eta ETBk ikerlan egin dute Hego Euskal Herriko maskotei buruz. Ikerlana egiteko, Arabako, Bizkaiko eta Gipuzkoako Animaliak Identifikatzeko Erregistro Orokorreko 2024ko maiatzeko datuak erabili dituzte. Datu horien arabera, txakurra da Hegoaldeko familiek nahiago duten maskota, eta zehatz-mehatz txakur bat dago bost etxebizitzatatik. Txorierriko datuei dagokienez, familien % 45,48k txakurra dute etxean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).