Beste Bira Txorierriko atletismo taldeak jakinarazi duenez, denboraldia astelehenean, irailak 9, hasiko dute Zamudion, eta urrian, gainerako herrietan. Zehatz-mehatz, entrenamenduak astelehenetik barikura, 17:00etatik 18:00etara, egingo dituzte Zamudion; Loiun, barikuetan, 17:00etatik 18:00etara; Derion, barikuetan, 16:30etik 17:30era; eta Sondikan, martitzenetan eta eguenetan (gurasoen elkartearekin ipini behar da harremanetan). Klubean sei urtetik gorako edozein lagunek eman dezake izena: ume, gazte zein heldu. Horretarako, mezua idatzi behar du bestebiraloiu@gmail.com helbide elektronikora, edo 609 417 996 telefono-zenbakira deitu.