Euskaraldiaren dinamizatzailea behar da Txorierrin

Lan-kontratua urtarrilaren 7tik ekainaren 6ra egingo da, eta sei orduko lanaldia izango da egunean. Besteak beste, hurrengo zeregin hauek izango ditu: Txorierriko eragileei eta herritarrei Euskaraldia aurkeztu eta prestakuntza eskaini; batzordea eratu eta dinamizatu; komunikazio-plangintza egin; eta herritarrak aktibatu eta prestatu. Baldintzei dagokienez, hautagaiek euskara-maila egokia izan behar dute, eskualdea ezagutu, eta harremanetarako eta kudeaketarako gaitasuna izan, beste baldintza batzuen artean. Curriculumak jasotzeko azken eguna abenduaren 8a izango da: jon@topagunea.eus eta Lansarean ataria https://www.lansarean.eus/.