Programa 22 urtetik 30 urtera bitarteko gazteentzat da, eta bertan parte hartzen dutenak lankidetza-ekintzetan ibiliko dira garapenerako gobernuz kanpoko erakundeekin batera, udan eta hiru hilabetean. Horrela, zuzenean ezagutuko dituzte Amerikako, Asiako edo Afrikako herrialdeetan martxan ipinitako lankidetzako ekintzak. Eusko Jaurlaritzak parte-hartzaileen bidaia-gastuak ordainduko ditu, eta hala badagokio, bisaren gastuak ere ordainduko ditu.
Joan den udan, 67 gaztek parte hartu zuten programan, eta 22 proiektutan ibili ziren herrialde hauetan: Honduras, Peru, Ekuador, Mexiko, Guatemala, Bolivia, Kolonbia, Ginea Konakry eta Etiopia. Programa duela 31 urte ipini zen martxan eta handik hona 2.5000 gazte baino gehiago ibili dira 100 gobernuz kanpoko erakunderekin baino gehiagorekin lankidetzan.