Aurretiazko borondateen dokumentua, 2024ko abenduko alean Victor Landak azaldu zigun bezala, bizitzaren amaieran, erabakiak hartzeko gaitasuna modu iraunkorrean galtzen dugun momentuari aurre egiteko modu bat da, eta bertan “adierazi ahal dugu zer nahi dugun eta zer ez, gure ordez beste batek erabakiak hartu behar ez izateko”, hala nola, kimioterapia ez ematea, eutanasia, organoak eman nahi izatea, etab.
Txorierrin berriro ere zabaldu da aurretiazko borondateen dokumentua egiteko tailerra izena emateko epea. Tailer hauek Fernando Pérez Vianak eta Jesús García Garrastazuk gidatuko dituzte, eta talde berrietara izen emateko epea azarora artekoa izango da. Informazioa jaso nahi izatekotan, 747 428 849 telefonara deitu edo ekt@txorierri.eus helbidera idatzi ahal izango da.