Emakundek berdintasun guneak eremu guztietan "babesteko eta zabaltzeko beharra" azpimarratu du. Itaiak emakume langileen beharrentzako "proposamen iraultzaile" baten aldeko aldarrikapena egin du.
Euskal Herriko Mugimendu Feministaren Bilboko manifestazio nagusia 12:00etan aterako da Jesusen Bihotzetik. Sondikako Garrasi talde feministarik domeka “berezia” antolatu du egun osoko egitarau oparoarekin. Lezaman emango diote gaur, martxoak 6, hasiera egitarauari: ‘Ez da kasualitatea” bertso saio musikatuarekin, Aissa Intxaustik, Josune Aramendik eta Maddi Ane Txoperenak parte hartuko dute.
Bestelako ekintzen artean, Larrabetzuko Uritarra futbol taldeak emakumeen lehen taldeak domekan, 17:30ean, Errebalen jokatuko duen partidara begira zerbait berezia antolatu nahi du. Emakumeek klubean duten “garrantzia eta presentzia” azpimarratzeko, eskatu dute taldeko neska guztiak zelaira hurbiltzeko argazki omenaldi bat ateratzeko. Horretarako 17:00etarako tabernaren ondoan egotea eskatu dute.
Egitaraua, herriz herri:
- Larrabetzu:
- Martxoak 8: Uritarra futbol taldeak antolatuta, emakumeek klubean duten “garrantzia eta presentzia” azpimarratzeko omenaldia, 17:00etan, Errebaleko taberna ondoan.
- Martxoak 8: Anpuluek Txorierriko Gazte Feministak antolatuta, ‘Erreakzioaren kontra, antolatu’ hitzaldia, 17:45ean, Ludotekan.
- Lezama:
- Martxoak 6: ‘Ez da kasualitatea’ bertso saio musikatua, 18:30ean, Kultur Aretoan.
- Martxoak 8: Elkarretaratzea eta adierazpen irakurketa, 12:00etan, Hilario Astorki Plazan.
- Zamudio:
- Martxoak 7: ‘Adelaren bidaia’-Lur Usabiaga ipuin kontalaria, 11:30ean, liburutegian.
- Martxoak 8: Zapata Gorriak talde feministak deituta, elkarretaratzea eta manifestazioa, 13:00etan, Leizaola plazan.
- Martxoak 8: ‘Bitxilore-una revolución en femenino’ antzezlana, 18:30ean, Adintsuen Etxean.
- Derio:
- Martxoak 8: Manifestuaren irakurketa eta berdintasunaren aldeko martxa, 11:00etan, frontoian.
- Martxoak 9: Sextruck, 09:00etatik 12:30era eta 14:30etik 16:00etara, eskolan
- Martxoak 16: ‘¿Qué llevamos las mujeres en el bolso?’ helduentzako ipuinak, 18:00etan, Kultur Birikan.
- Martxoak 17: Sutondoanek antolatuta, ‘Una rubia muy legal’ bideoforuma, 17:00etan, Kultur Birikan.
- Sondika:
- Martxoak 8:
12:00: Sorgina Txirulina haur ikuskizuna.
11:30-14:30: Ikurriña plazan, emakume sortzaile eta artisten postuak.
12:00: Taularden Auzokoa Herriko emakume trikitilariak.
13:00: Imaginautak proiektutik, Dafne Gonzálezek martxoaren 8aren harira olerki errezitaldia eta manifestuaren irakurketa. - Erandio:
- Martxoak 6: Auzokoa Herrikoi Elkarteak eta Herri Bideak Kate Barik antolatuta, ‘Betiko neskak’ emakumezkoen futbol taldeari omenaldia, 18:15ean, Euskadi Plazan.
- Martxoak 8: Erandioko Emakumeen Damatxo Elkarteak deituta, elkarretaratzea, 12:30ean, Euskadi Plazan.
- Loiu:
- Martxoak 7: Emakumeen bazkaria, 14:30ean, Eskertza Jatetxean.