Ondoren, udazkenean hasiko dira Salbeko zubia eta Txorierri lotzen dituen tunela berritzen, hirugarren eta azken fasea izanik. Luzeena eta zabalena denez, tunel hori berritzeko denbora gehiago beharko dute Artxandakoa berritzeko baino: zazpi eta zortzi hilabete artean.
Bizkaiko Azpiegituretarako eta Lurralde Kohesiorako diputatu Carlos Alzagak esan du ulertzen duela tuneletako bat itxita egoteak sortzen dituen arazoak, baina nabarmendu du “funtsezko eta derrigorrezko” lanak direla erabiltzaileen segurtasuna bermatzeko.