Zamudioko elkarteak apirilaren 15erako, 22rako eta 29rako antolatu du ikastaroa, eta Patxi Oregi Taberna Ibiltaria taldeko kideak emango du. Ikastaroa arratsaldez izango da, 18:30etik 20:30era, eta Bertoko taldekoei zein gainontzeko herritarrei dago zuzenduta. Gainera, edozein adinetako lagunek hartu ahal dute parte bertan. Izena emateko, mezu bat idatzi daiteke bertokozamudio@gmail.com helbide elektronikora; edo 615 74 95 70 telefono zenbakira deitu.
Bestalde, Bertokok 20 urte bete ditu aurten, eta urteurrenaren haritik, Bertoko Hauspoz hauspo 20 urte (1996-2016) dokumentala grabatu dute. Berrogei minutuko bideoa da eta taldearen ibilbidearen momenturik esanguratsuenak batu dituzte bertan. Bideoa YouTuben dago ikusgai eta Bertokok Aikor! aldizkariaren webgunean duen txokoan: aikor.com/txokoa/bertoko/.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).