Irteeran 60 auto batu ziren, eta rallya Txus Jaiok eta Jesus Urkidik osatutako bikoteak irabazi zuten (Euskadi Racing). Bigarrenak Aitor eta Mireia Saizar izan ziren (Hamaika); eta hirugarrenak, Iñaki Narbaiza eta Unai Etxeberria (Eskuderia Eibar). Victor Echave eta Mikel Arza, Zamudio Racingekoak, laugarrenak gelditu ziren.
Talderik azkarrena, FL kategorian, Xabier Agirrek eta Mikel Basterrak osatutakoa izan zen, eta Xabier Mujikak pilotu juniorrik onenari saria jaso zuen.
Bestalde, Erregulartasunaren saioari dagokionez, Ricardo Pérezek eta Jesús María Landak irabazi zuten trofeo kategorian; eta Asier Santamariak eta Isaias Bringasek, txapelketa kategorian.
Hotza handia egon arren, eguraldia lagun eduki zuten antolatzaileek. “Oso pozik irten gara rallyarekin eta eskerrak eman nahi dizkiegu laguntzaileei eta babesleei”.