Logoa
Logoa
aikor.eus

50 pilotu aritu ziren Zamudioko Trialean

  Kirolak  Zamudio
50 pilotu aritu ziren Zamudioko Trialean

Eta sei kategoriatan egin zuten: Tr1, Tr2, Tr3, Tr4, Klasikoak eta Gazteak. Iñigo Lazaro zamudioztarra, eta saioaren antolatzaileetariko bat, irabazlea izan zen Tr2 kategorian. “Egia esan, oso pozik nago, aurten 50 urte beteko ditudalako. Etxean beti egiten da esfortzu handiagoa”.   

Saioa Zamudio Racing elkarteak antolatu zuen 12. aldiz, eta puntuagarria izan zen Euskadiko eta Bizkaiko txapelketetarako. “Hau bezalako ekintza bat antolatzeak lan handia ekartzen du, baina badago jende asko ondo pasatzen duena, eta azkenean merezi du”. Lazaroren esanetan, zalantza barik, goizean gaztetxoei zuzendutako proba antolatzea izan zen onena. “Gaztetxoei eman genien protagonismoa, izan ere, beste trial batzuetan haiek eta nagusiak ordu berean lehiatzen dira eta, ondorioz, ez zaie kasu handirik egiten. Oso dibertigarria izan zen eta gaztetxoak oso eskertuta azaldu ziren. Esperientzia errepikatuko dugu, bai horixe”. Irabazlea Andrea Saez del Burgo izan zen.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa