Logoa
Logoa
aikor.eus

Belar artifizial berria dauka Errekalde futbol zelaiak

  Kirolak  Zamudio
Belar artifizial berria dauka Errekalde futbol zelaiak

Zamudioko Udalak herriko futbol zelaiko belar artifiziala berritu du eta hori irailaren 19 aurkeztu zuten Zamudio KE taldeko eta Udaleko ordezkariek. Lanak udan egin ziren eta, guztira, Udalak 150.000 euro inguru inbertitu ditu berrikuntza egiteko. Belarra ordezkatzeaz gain, ureztapena, ateak eta zelaiaren inguruko aldea ere berritu dira. Beraz, bertan jokatzen duten taldeek eremu ederra izango dute ate baten atzean, beroketa ariketak egiteko. Errekalde zelaia Zamudio KEren beheko mailako taldeek erabiltzen dute.   

“Belarra aspaldikoa zen. Gainera, zelaia ibaiaren alboan dago eta ondorioz, euria egiten duenean, ura ez zen behar bezala drainatzen eta ur-putzuak askotan agertzen ziren”, esan zuen Igotz López alkateak. Fidel de Prado klubeko presidentea poz-pozik agertu zen berrikuntzarekin. “Lehengo zelaiak 15 urte zituen eta aldatzeko premia genuen. Izan ere, azken urteotan gazteak gero eta gihar-zauri gehiago izan dituztela ikusi dugu. Hemendik aurrera, aldiz, futbolean baldintza onenetan jokatzeko aukera izango dute. Aurten 170 ume ditugu, inoiz baino gehiago, eta belar berriak baliabide handiagoak ematen dizkigu”.   

Zelai berria estreinatzeko, Zamudioko klubak Haur Mailako A eta B taldeen arteko partida bat antolatu zuen. Era berean, ekitaldia aprobetxatu zen, Raúl Loroño eta Rosa Aurre jokalari ohiei omenaldia egiteko. Raúl, Zamudio taldean jokatzeaz gain, Eibar taldean ere aritu zen 1988an; Rosak ezin izan zuen herriko taldean jokatu, baina emakumezkoen futboleko aitzindaria izan zen eta Sondika taldean ez ezik Estatuko selekzioan ere jokatu zuen. 

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa