Zamudio, infernu handi

Herri txiki infernu handi ETB-1 kateak igortzen duen saioa da eta gaur Zamudio bisitatu du. Telebistakoek, besteak beste, Gabriel Etxebarriarekin egin dute topo, zamudioztarra zaldiaren gainean dabilela. Saioaren aurkezpena herriko frontoian egingo dute urriaren 11n, 20:00etatik aurrera.

Herri txiki infernu handi saioak Euskal Herriko herri txikiak bisitatzen ditu, Mikel Pagadi eta Zuhaitz Gurrutxagaren eskutik, eta horiek “Herri txiki, infernu handi” esaera zaharra hankaz gora jartzea dute helburu. Zenbait herritar elkarrizketatu ostean, izandako esperientziari buruzko bakarrizketa egiten dute euren aurrean. Ez da Txorierrira etortzen den lehenengo aldia. Izan ere, Larrabetzun izan ziren bigarren denboraldian, duela urte bi: https://www.eitb.eus/eu/telebista/programak/herri-txiki-infernu-handi/larrabetzu/bideoak/