Koronabirusa

Zamudioko Udalak wifia eta ordenagailuak emango dizkie beharrizana duten ikasleei

Gizarte-zebitzuen bitartez, Zamudioko Udala eskolarekin dabil lanean, beharrizana duten ikasleei ordenagailuak eta wifi sareko sarbidea emateko, eta ikasturtea online egiteko modua izan dezaten. Udalak laguntza horietarako aurrekontu-partida handitzea onartu du, eta, hala, Eusko Jaurlaritzak ere beharrizan hori betetzeko handitu dituen diru-funtsak osatuko ditu.

Ikasteko ordenagailua eta wifi sarerako sarbidea behar duten umeen edota gazteen familiek zein ikasten dabilen eta egoera horretan dagoen edonork 944 060 990 telefono zenbakira deitu dezakete. Gizarte-zerbitzuek arreta egingo diete, eta euren prestakuntzarekin aurrera egiteko beharrezkoak diren baliabideak eskuratzen lagunduko diete.    

Koronabirusaren gaineko informazioa Txorierrin hemen.