Zapata Gorriak Zamudioko talde feministak hitzaldi bi antolatu ditu lelo feministen mezuak azaltzeko. Esan dutenez, herrian haien banderatxoak ipintzeak ekarri du pertsona batzuek mezuak ez ulertzea eta txarto sentitzea; halaber, “zentzura sortu da lelo batzuen inguruan”, aipatu dute. Hitzaldiek leloen zergatia eta esanahia adieraztea dute helburu.
Lehenengo hitzaldia “Zergatik esaten dugu generoa belarri artean dagoela, eta ez hanken artean?” da eta bihar, otsailak 25, 19:00etan izango da Zamudiotorren. Bigarrena “Nire potxotxean eta nire mototsean nik agintzen dut; de lo políticamente correcto a lo incorrecto” da eta hamabost egun barru egiteko asmoa dute. Hitzaldi biak Abella abokatu-taldeak emango ditu.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).