Hurrengo egunetan, zamudioztarrek azalpen-gutun bat jasoko dute etxean, eta horrekin batera, euskarazko eta gaztelaniazko galdetegi bat eta frankeorik behar ez duen gutun-azal bat. Inkesta anonimoa eta konfidentziala izango da. Hala ere, galderei erantzun dieten artean 150 euroko bonua zozkatuko da; horretarako, telefono-zenbakia adierazi behar da.
Facebooken bidez jakinarazi duenez, Hiriko Mugikortasun Iraunkorreko Plana prestatzen dabil Zamudioko Udala. Horren harira, datozen asteetan herritarren mugikortasunari buruzko inkesta bat egingo dute, “plana udalerriaren beharrizanetara eta errealitatera egokitzen dela ziurtatzeko”. Helburua da zamudioztarren bidaiatzeko ohiturak ezagutzea, planean “ohitura horiek kontuan hartzeko eta udalerri iraunkorragoaren alde lan egiten jarraitu ahal izateko”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).