Bost lagun atxilotu dituzte Zamudion kablea lapurtzen ari zirela

Zamudioko Udalak jakinarazi duenez, bariku goizaldean Ertzaintzak bost pertsona atxilotu zituen Elexalden hango kable-sarearen zati bat lapurtzen ari zirela. Azaldutakoaren arabera, aurreko egunean antzeman zuten argiteriaren sarea manipulatuta zegoela eta udalak erabaki zuen zaintza-dispositibo bat jartzea lapurrak harrapatzeko. Atxiloketak hauen elkarlanari esker egin dira: herriko udaltzaingoa, segurtasun-enpresa bat eta Ertzaintza.

Bestalde, azpimarratu behar da Zamudioko Udalak eta Txorierriko Mankomunitateak argiteriaren sarean sistema bat dutela jarrita, kableatua manipulatu den  goiz antzemateko. Sistema hori baliagarria da lapurrak saihesteko eta, batzuetan, lapurrak atxilotzeko. Aurretik, Zamudioko Udalak 50.000 eurotik gora galdu ditu urtean lapurreten ondorioz.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).