Pornografia eta emakumeen kontrako indarkeria izango dituzte hizpide Zamudion

Zapata Gorriak Zamudioko talde feministak hitzaldi bi antolatu ditu eta horietan aztertuko dute pornografiaren eta emakumeen kontrako indarkeriaren arteko harremana. Lehen hitzaldia, “Emakumeen aurkako indarkeriaren erotizazioa eta pornoa”, irailaren 23an izango da Zamudiotorren, 19:00etan; eta bigarrena, “Nola hitz egin gure seme-alabekin pornografiaz”, irailaren 30ean, leku eta ordu berean. Aitziber Bañuelos gizarte-hezitzailea hizlari arituko da hitzaldietan eta biak zuzenean emango dira talde feministaren Facebooken eta Instagramen bidez.

“Zapata Gorriakeko helburuen artean, genero-desorekaren arrazoiak eta ondorioak gizarteratzearen ardura dago, eta genero-indarkeriaren arrazoietako bat da pornografia”, azaldu dute. “Hitzaldiak eskolako gurasoen elkartearekin batera antolatu ditugu, izan ere, gaztetxoak bataz beste 12 urte dituztela hasten dira pornografia ikusten; eta batzuk zortzi urte dituztela ere. Gainera, Interneten gehien ikusi den bideo pornografikoa da talde-bortxaketa bat. Gurasook jakin behar dugu nola heldu gai honi, itzelezko ondorioak ekar ditzakeelako”.

Bestalde, aurreratu dutenez, elkarteak beste hitzaldi bat antolatu du azaroaren 18rako eta hori prostituzioari buruzkoa izango da.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).