Bestalde, puntu morea ipintzeaz gainera, brigada feminista sortuko da sanmartinei begira. “Puntu morea Eraikiz Kolektiboak kudeatuko du eta bertan adituak egongo dira. Era berean, arreta-telefonoa egongo da, indarkeriaren kasurik badago, hara deitzeko, egoera kudeatzeko eta egin beharreko pausoak eta aholkuak jakinarazteko. Telefonoa hau da: 633 918 561”. Talde feministak esan moduan, bideoa ere egin dute herriko gazteekin, eta hura jaien aurreko astean plazaratuko dute. “Helburua da jendeak hainbat egoera ikustea, ze egunero esaldi matxistak botatzen dira konturatu barik horiek ere indarkeria direla”.
Sanmartinetarako prestatutako materiala Zamudioko Azokan aurkeztuko du Zapata Gorriakek
Zapata Gorriak Zamudioko talde feministak jakinarazi duenez, Zamudioko Azokan postua ipiniko dute eta horretan aurkeztuko dute San Martin jaiei begira (azaroaren 10etik 13ra) prestatu duten materiala. “Jaietan puntu morea egongo da eta han banatuko dira neskatoentzako edalontzi tapaduna, edarietara substantziak botatzen dituztela aurreikusita. Edalontzi horietan «Kaleak, gauak geureak dira» idatzita egongo da, eta kamisetak eta belarritakoak ere kaleratuko ditugu. Bestalde, azokako postuan zein jaietako puntu morean gizonentzako informazio-diptikoak banatuko ditugu”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).