Zapata Gorriak Zamudioko talde feministak antolatuta, atzo iluntzean ekitaldia egin zen Leizaola plazan, indarkeria matxistak 2022an hildako emakumeei omenaldia egiteko. Talde feministak ekitaldian parte hartzeko deia egin zien herriko kultura- eta kirol-taldeei, eta azken horiek aurreko urteetan emakumeen aurkako indarkeriaren kontrako borrokan hartutako konpromisoa berretsi zuten. Izan ere, indarkeriaren matxistaren kontrako beira-arasaren aurrean 22 eragiletako ordezkariak batu ziren; herriko elkarteez gainera, Txorierriko gainerako talde feministak ere izan ziren bertan.
Zamudioko elkarte feministaren kideek eta gainerako elkarteen ordezkariek iaz indarkeria matxistak hildako emakumeen oroitzapenez maskarak ipini zituzten lurrean, “gure artean bizi izan direla adierazteko”. Guztira 99 maskara jarri zituzten, bakoitzak hildako emakumearen izena zuela. Zapata Gorriak elkarteak Estatuan iaz izandako feminizidio guztiak hartu ditu kontuan; ez bakarrik genero-indarkeriari lotutakoak. Urtarrilean eta lerro hauek idaztean, 10 femenizidio izan dira. Indarkeria jasaten duten emakumeei arreta egiteko telefono-zenbakiak: 016 eta 900 840 111.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
